ЗБОГУМ 500 ЕВРА: Крај за една од највредните банкноти

Добивај вести на Viber

Европската централна банка соопшти дека до крајот на 2018 година ќе престане да печати нови банкноти од 500 евра.

Банкнотата нема да се печати поради загриженоста што таа виолетова банкнота криминалците најмногу ја користат за перење пари, па дури и за финансирање на терористички активности.

„Банкнотата од 500 евра ќе остане законско средство за плаќање и затоа и понатаму ќе биде во употреба“, соопшти ЕЦБ после денешниот состанок на Советот, пренесе Ројтерс.

Банката додаде дека „банкнотата од 500 евра како и банкнотите од други вредности, секогаш ќе ја задржат својата вредност и ќе можат да се разменат при национални централни банки во рамки на Екосистемот во текот на неограничен временски период“.

Советот на ЕЦБ, според очекувањата на аналитичарите, гласал за запирање на печатењето на банкноти од 500 евра, поради распространетото мислење дека пред се ја користат криминалци за префрлување на големи суми пари во различни делови во светот, без знаење на властите.

„Таквите банкноти се омилен механизам за плаќање на оние кои се занимаваат со незаконски активности, со оглед на релативната леснотија со која може да се транспортираат и префрлат“, се наведува во неодамнешната објавена студеија на Хардвард Универзитетот.

Речиси 30 одсто од преку 1000 милијарди евра готовина во оптек, лани биле во апоени од 500 евра, покажаа неодамна објавените податоци на ЕЦБ.

Оваа банкнота е една од највредните во светот со вредност која во моментов е над пет пати поголема од најголемата американска банкнота во оптек од 100 долари.