Здравјето нема цена! Кои се најголемите аптеки, како заработуваат и колку вработуваат?
![](/media/main/2024/06/20240617150611.jpg)
Објавено во: Економија 18 Јуни, 2024
Аптеките се многу значајна, па можеби и суштинска алка во системот што обезбедува здравствени услуги за населението. Тие не се само компании ориентирани кон профит. Нивна основна работа е да бидат добро снабдени што значи ажурно, навремено и без грешка менаџирање на логистиката за достава на лекови и медикаменти кои се насушна потреба на граѓаните. Веројатно и затоа што бара особена внимателност ова важи за женски бизнис. Овие компании имаат големи приходи, но и многу вработени. Тоа е во природата на нивната дејност. Сепак резултатите покажуваат дека имаат нешто заедничко што наведува на алтруизам. Затоа што профитот не е целта за која не се бираат средства, добивките не се нивен врвен приоритет. Напротив, заработките се ниски дури и многу мали во споредба со остварените приходи. А за воља на вистината вреди да се каже дека се често присутни кога се донира и треба да се помогне. Ова ја потврдува хуманата и алтруистичката нота на овој еснаф, особено во изминативе години кога сите бевме под пресијата на корона вирусот и периодот пост...
Анализата на податоците наведува на генерален заклучок дека бизнисот расте, но и дека постои потенцијал за понатамошен раст на аптекарската дејност.
Првата поента докажува дека нема значајни поместувања во редоследот на тоа кој е кој на пазарот. На пазарот има три синџири аптеки кои се вон конкуренција за другите аптекарски компании. Тие се: „Зегин Фарм“ кој е убедливо најголем учесник на пазарот и двајцата меѓусебно големи конкуренти „Еурофарм“ од Битола и „Моја аптека“ од Скопје. Сите други се во групата на помали, но важни, за кои висок дострел е приход на годишно ниво кој ја допира границата од 5 милиони евра.
Втората поента покажува дека на пазарот на лекови и медикаменти има простор за сите. Односно сите рангирани во нашата анализа (критеримот беше приход од најмалку 200 милиони денари) книжат раст на приходите во споредба со претходната 2022 година.
Голема е веројатноста дека во значаен дел приходите да растат заради влијанието на инфлацијата врз малопродажните цени. Во одреден дел растот на приходите е резултат и на зголемената побарувачка за медикаменти, суплементи, лекови и други продукти кои се нудат во аптеките. А забележливо е дека аптеките нудат поширока палета и на продукти за лична хигиена, па и за исхрана.
Третата поента е дека сите рангирани годината ја завршиле со добивка од работењето. Со оглед на тоа дека конкуренцијата во аптекарската дејност е навистина голема и бројна нивните резултати покажуват дека бизнисот е здрав и потенцијалот за раст е голем.
Р.Ф.
Можеби ќе ве интересира
НАЈГОЛЕМ ГРАДЕЖЕН ПАЗАР ВО СВЕТОТ: За која земја се работи?
![](/media/main/250x170/2024/06/20240626175450.jpg)
НЕ НАСЕДНУВАЈТЕ: Лица се претставувале дека се од Народна банка и барале лични податоци
![](/media/main/250x170/2024/06/20240626165546.jpg)
ГЕРМАНСКИ КОМПАНИИ ТЕСТИРААТ ЧЕТИРИДНЕВНА РАБОТА НЕДЕЛА: Има ли позитивни ефекти?
![](/media/main/250x170/2024/06/20240626085157.jpg)
Поранешен ПУИК продава станови во Центар, ги има и за 60-тина илјади евра
![](/media/main/250x170/2024/06/20240626133927.jpg)
Ангелка Пеева Лауренчиќ во „Бизнис Муабети“: ПР-от врти повеќе пари отколку класичниот маркетинг
Раст на бројот на купени станови со готовина во Хрватска
![](/media/main/250x170/2024/06/20240626100825.jpg)
НОВ ТИП НА РАБОТНА ВИЗА, НОВА ШАНСА: Германија ги менува правилата и го олеснува процесот за граѓаните кои не се членки на ЕУ
![](/media/main/250x170/2024/06/20240626085157.jpg)