ЗДРАВКО САВЕСКИ: Mачкање на очи се сите предлози за намалување на патните трошоци
Објавено во: Македонија 28 Јануари, 2018
Здравко Савески од Левица ги предупредува пратениците да имаат на ум дека не се избрани за да се збогатат, потсетувајќи ги дека останатите граѓани самите ги плаќаат своите патни трошоци.
„Не сте избрани на тие места за да се збогатувате, туку да работите во интерес на граѓаните! Ако огромниот дел од граѓаните од својата плата ги плаќаат трошоците за да стигнат до работното место, со кое лице вие барате да имате такви надоместоци надвор од вашите плати? Вие со плати над 80.000 денари добивате по неколку илјади евра по основ на патни трошоци, а оние што земаат минимална плата од таа плата трошат за да стигнат на работа! Во овој контекст, мачкање на очи се сите предлози за намалување на патните трошоци! Она што се очекува од ваша страна е целосно укинување на патните трошоци! Само ако ги вратите назад хранарината и превозот за работниците, можете и вие да земате надоместоци за превоз! Секакво друго решение значи дека себеси се привилегирате во однос на останатите смртници во оваа земја!“ - напиша на Фејсбук Савески.
Својот став Савески го споделува Ввпресрет на гласањето на пратениците за намалување на патните трошоци.Долго време имаше негодување дали да се намалат или не патните трошоци. Дел од народните избраници трошеле високи сум за патни трошоци.