ЗЕЛЕНСКИ НАЈАВУВА ДЕКА УКРАИНА ЌЕ БИДЕ ЕДЕН ОД НАЈГОЛЕМИТЕ ПРОИЗВОДИТЕЛИ НА ОРУЖЈЕ: Тимошенко му даде совет кого треба да испрати на бојното поле

Добивај вести на Viber

Украина може да стане еден од најголемите производители на оружје во светот. Украинскиот претседател Володимир Зеленски е сигурен дека украинската одбранбена индустрија „дефинитивно може да стане еден од 10-те најпродуктивни и најмоќни одбранбени комплекси во светот со текот на времето“.

„Индустријата веќе придонесува за зајакнување на одбранбените способности на Украина во услови на војна, како и за економскиот раст и вработувањето“, рече Зеленски. 

Тој го поздрави договорот со западните партнери, првенствено Соединетите Американски Држави (САД), за заедничко производство на оружје како „едно од нашите најголеми политички достигнувања оваа година“.

Договорот овозможува производство на современа воена опрема. Зеленски кажа дека производството на западни видови оружје дополнително ќе се локализира. Украинскиот министер за стратешки индустрии, Олександар Камишин, претходно им изјави на новинарите дека Украина тројно го зголемила своето одбранбено производство годинава.

Екс премиерката на Украина, Јулија Тимошенко, денеска, го повика претседателот на Украина, Володимир Зеленски, на Украинците да им го претстави таканаречениот план Б, кој треба да ја изведе земјата од „тешката и прилично трагична позиција“.

Тимошенко предложи да се испратат членови на сите безбедносни структури на земјата на фронтот – од полицијата и државното обвинителство преку други агенции за спроведување на законот бидејќи сите тие знаат да користат оружје и „знаат да водат војна“. Руската инвазија на Украина почна лани  на 24 февруари.