Земја е на работ на економска катастрофа: Жестока битка се води за леб
Објавено во: Економија 15 Август, 2025 17:07
Пекарите во Боливија речиси ги преполовија своите популарни лепчиња, кои порано тежеа 100 грама, а сега тежат 60 грама, бидејќи владата ги замрзна нивните цени по парче.
Боливијците затоа плаќаат иста цена - 50 центи за едно, но лепчињата се со понизок квалитет од претходно.
Причината за замрзнувањето на цените е финансиската криза што го осакатува увозот на брашно, а инфлацијата ги уништува буџетите.
Бројните знаци на хаос во Боливија пред претседателските избори што ќе се одржат во недела, зборуваат за земја заглавена во минатото по 20 години економски модел на поранешниот лидер Ево Моралес и во најлошата економска криза во последните четири децении.
Десничарските лидери, бизнисменот Самјуел Дориџа Медина и поранешниот претседател Хорхе „Туто“ Кирога, предложија укинување на политички потпалувачките субвенции што ја одржуваат мрежата за социјална сигурност.
„Отворено велам: ќе ги укинам субвенциите затоа што тие се најголемата апсурдност“, изјави Дорија Медина за Асошиејтед Прес овој месец, осврнувајќи се на моторното гориво што Боливија го субвенционира со милијарди долари годишно.
Во однос на пченицата, земјата произведува помалку од 25 отсто од она што го троши.
Борејќи се да го реши застојот на увозот, владата ги забави или во некои случаи ги запре испораките на субвенционирано брашно. Лебот исчезна од полиците, а редици за леб почнаа да се појавуваат низ целиот главен град Ла Паз.
Недостатокот на американски долари, исто така, го отежна увозот на дизел, што доведе до недостиг на гориво и покрена прашања за способноста на Боливија, зависна од увоз, да продолжи да ја субвенционира својата основна храна.
Земјоделците не само што користат дизел гориво за да работат на машини за наводнување, туку цената на дизелот, исто така, придонесува за цената на увезената храна.
Пред околу две години, Боливија имаше пониска годишна стапка на инфлација од Германија. Денес, таа е меѓу највисоките во регионот, а владата објави дека потрошувачките цени во јули се зголемиле за 25 проценти во споредба со јули 2024 година.
foto freepik.com
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ПО ИНЦИДЕНТОТ СО ТУРЦИ ВО ПОДГОРИЦА: Во ноември, секој ден се затвораше по една турска компанија
Цената на кафето расте, но луѓето не се откажуваат од својот омилен напиток
Како да се одреди вистинската плата за новoто работно место?
Германија тоне во најлошата криза од 1945 година, индустријата се соочува со проблеми
Цени во најсеверната продавница во светот, поевтино е од САД
Хрвати се иселиле во Полска, тврдат дека земјата е драстично подобра од Хрватска
Обидот за увоз на берачи од Бангладеш и Пакистан не успеа во соседството
БДП СЕ ЗГОЛЕМИ ЗА 3.8 ОТСТО: Кои сектори се со најголем раст?
