Земјите од Г-20 сo дополнително време ќе го кастрат буџетскиот дефицит

Добивај вести на Viber

Водечките економии во светот си дадоа уште малку маневарски простор во постигнувањето на целите за намалување на буџетските дефицити, за да не ризикуваат да го влошат економскиот пад во многу земји и најмногу во САД, пренесоа светските агенции.

На својата средба во мексиканската престолнина, што се оддржа само ден пред претседателските избори во САД, претставниците на земјите од Г-20 изразија загриженост затоа што исполнувањето на преземените ветувања за намалување на половина на буџетските дефицити до крајот на оваа година во економски развиените земји може да и наштети на глобалната економија, која и онака е западната во тешкотии.

Во заклучното коминике од средбата земјите од Г-20 соопштија дека „имајќи го предвид слабиот раст тие ќе гарантираат дека темпото на фискална консолидација ќе биде во правец на поддршката за заздравување“.

Целта за кастрењата на половина на дефицитите беше договорена на самитот во Торонто во 2010 година, кога се чинеше дека глобалната економија ја надмина финансиската криза од предходните две години. Сега, меѓутоа, изполнувањето на оваа цел изгледа невозможно за некои економии, вклучувајќи и таа на САД, бидејќи растот се забави, забележуваат британските медиуми.

-Сега целта е тоа да се постигне во текот на 2013 година, иако има и мала тенденција тоа да се случи и подоцна, вели Кристин Лагард, извршниот директор на Меѓународнипт монетарен фонд. Таа забележа дека формулациите за финансиските прашања претрпеле промени, имајќи ги предвид ситуацијата во различни земји.

САД треба да го надминат својот дефицит, што во финансиската 2012 година веќе четвртта година по ред надминува трилион долари, но многу земји од Г-20 се порастревожени од многу големото зголемување на даноците и од намалувањето на трошоците, кои треба да влезат во сила на 1 јануари. Според некои, тоа може повторно да доведе до рецесија на американската економија и да му наштети и на светското производство, освен доколку Конгресот не постигне брз договор по претседателските и парламентарни избори во САД.