Зголемени се трошоците за живот во јуни

Добивај вести на Viber

Индексот на трошоци на живот, мерен преку цените на стоките и услугите за лична потрошувачка во јуни, во однос на претхнодниот месец, бележи раст за 0,3 отсто, додека во однос на истиот период лани тој пораст е за 4,2 отсто, покажуваат податоците на Државниот завод за статистика. Анализирано по главни групи, според намената на потрошувачката, во јуни оваа година, во однос на претходниот месец, пораст  на индексите е забележан во групите: Комуникации за 1,4 отсто, Транспорт и Рекреација и култура за 0,7 отсто, Храна и  безалкохолни пијалаци за 0,5 отсто, Облека и обувки за 0,2 отсто и Алкохолни пијалаци, тутун за 0,1 отсто. Намалување на индексите на трошоците на животот е забележано во групите: Ресторани и хотели за 0,9 отсто, Останати стоки и услуги за 0,3 отсто и Мебел, покуќнина и одржување на покуќнина за 0,2 отсто. На ниво од претходниот месец останаа индексите на групите: Домување, вода, електрика, гас и др. горива, Здравје и Образование.