Жерновски: за 1 евро отиде најатрактивната локација во Центар!

Добивај вести на Viber

По продажбата на земјиштето спроти Веро Центар, на зелената површина до Народна Банка, реагираше првиот човек на општината Андреј Жерновски. Според него, тоа е резултат на самоволието на владејачката партија. Земјата се продаде за 3.296 евра за 2.855 метри квадратни на јавната лицитација што по електронски пат ја организираше Министерството за транспорт и врски. Единствен понудувач беше Друштвото за трговија промет и услуги „Амадеус Стоун ДООЕЛ“ од Скопје. „Почетна цена едно евро за една од најубавите парцели во општина Центар.Со едно наддавање земјиштето беше продадено за 71 денар и толку дал е ден и ја добил парцелата. Можете да замислите во некој друг град да се добие парцела за едно евро. Тоа се случува во Македонија. Се уште може да го прави Владата, зошто сега во советот сме изедначени по апсењето на Шиповиќ, и поради тоа што советниците на ВМРО-ДПМНЕ не го поддржаа предлогот општината да располага со земјиштето“, рече Андреј Жерновски. На локацијата, на површина од 1.775 метри квадратни, треба да изгради хотел на седум ката со приземје, поткровје и подземен паркинг, а условот е фасадното решение на објектот да биде во барок стил. Почетна цена беше 61 денар за метар квадратен, а фирмата единствен понудувач наддаде 10 денари и го купи земјиштето за 71 денар за квадратен метар.