Зибери гласаше од изолација во Собранието, прекршил ли протокол?
Објавено во: Македонија 31 Август, 2020
Пратеникот од ДУИ, Арбен Зибери, синоќа гласаше од посебна просторија во Собранието. Дека има пратеник кој не е физички присутен во слата каде се одржувашеседницата, пред гласањето објави претседателот на Собранието Талат Џафери. Сепак тој не кажа за кого станува збор. Подоцна стана јасно дека тоа е Арбен Зибери поранешниот директор на скопскиот Центар за јавно здравје, кого министерот Венко Филипче го смени од функцијата.
Додека Џафери смируваше дека нема опасност за другите пратеници, после и новоизбраниот премиер Зоран Заев рече дека пратеникот не го прекршил протоколот со тоа што излегол од изолација. Според Заев тој воопшто не е позитивен туку чека резултати, а бил изолиран бидејќи не се чувствувал добро.
„Јас не бев информиран за овој случај, сега дознав дека пратеникот чека резултати од тестирање, а не се чувствувал добро. Затоа за да се заштити, беше спроведен во посебна просторија да гласа“, одговори Заев.