Жито Полог ја зголеми активноста, но како тоа се одрази на добивката?
Објавено во: Економија 08 Мај, 2017 13:58
Жито Полог АД Тетово во првиот квартал од 2017-та бележи зголемени трговски активности, зголемена е набавката на трговски стоки и зголемени се трошоците за суровини и материјали.
Според финансискиот неконсолидиран извештај објавен на Македонска Берза, Жито Полог остварил и поголеми приходи во првите три месеци од годинава кои изнесуваат 94.467.000 денари, што е подобар резултат во однос на истиот период лани кога оперативните приходи изнесувале 71.286.000 денари.
Забележан е и приход остварен преку продажба во странство што изнесува 1.351.000 денари и извозните активности може да му донесат на Жито Полог поголем обрт во текот на годината.
Жито Полог успеал и да ги „расчисти“ залихите кои во претходната година за истиов период изнесувале 12.396.000 денари во готовите производи и на недовршено производство на крајот на годината.
Сепак, поради зголемените оперативни расходи во висина од 96.535.000 денари крајниот резултат е во мала негатива. Па така овој квартал Жито Полог го завршува со загуба од 2.532.000 денари. Моменталната вредност на акциите на Жито Полог на Македонска Берза изнесува 2.000 денари, но во последните три години не се исплатени дивиденди.
Можеби ќе ве интересира
„Нашата цел е да привлечеме компании кои носат знаење, современи технологии и квалитетни работни места“: Димовски од ТИРЗ до менаџментот на Philips
ДЗР: Застарени предмети и неуплатени средства во буџетот на државата, ИТ напади и повеќе неправилности во работењето на Министерството за економија и труд
Хрватска повлекува храна за бебиња: Аптамилот има поголемо присуство на бактерии
ЕБОР: Рекордно ниско ниво на лоши кредити во Централна, Источна и Југоисточна Европа
На бензинските пумпи се појави нов вид гориво: Ќе се испорачуваат со „розови пиштоли“, а ќе може да се користи во сите автомобили
Планирате патување на одмор? Овие аеродроми во Европа ќе штрајкуваат до крајот на годината
Германија ги заострува условите за социјална помош
Руски министер кажа колкав процент од БДП потрошиле за војната во Украина
(ВИДЕО) АВСТРАЛИЈАНЕЦ СЕДУМ ГОДИНИ СОБИРАЛ АМБАЛАЖА: Заштедил за куќа
