Златен план за ЕУ, дали ќе успее?

Добивај вести на Viber

Ниските глобални цени на нафтата се „златна шанса“ за Европската унија да разработи план за формирање на енергетска унија, со цел да ја намали енергетската зависност од Русија.

Ова го изјавил потпретседателот на Европската комисија, комесарот за енергетика, Марош Шефовиќ на конференцијата за медиуми во престолнината Летонија.

„Треба да го искористиме овој период со ниските цени на нафтата и гасот како златна шанса за измена на нашите енергетски политики“, рекол комесарот, додавајќи дека Комисијата до крајот на месецот ќе изнесе нови предлози на тоа поле, пренесува Франс прес.

Планот на комисјата вклучува пет „столбови“ на енергетска политика во 28 земји на ЕУ: намалување на емисијата на штетни гасови, вложување во технологија, унапредување на енергетската ефикасност, развој на единствен енергетски пазар и диверзификација на достава на енергијата.

Клучен елемент на планот, како што наведува, е намалување на зависноста на Европа од нафта и гас од Русија во време на растечки тензии помеѓу истокот и западот поради кризата во Украина.ЕУ е најголем клиент на рускиот енергетски гигант Гаспром надвор од Русија, а голем дел од рускиот гас во Европа пристига преку Украина.ЕУ и САД на Москва и воведоа низа санкции поради нејзиниот став за Украина, но влијанието на тие санкции на извозот на руските енергенти е занемарливо, поради големата зависност на ЕУ од нив, констатира Франс прес.