Зошто беше одземена лиценцата на ЧЕЗ во Албанија!?

Добивај вести на Viber

Регулаторниот завод за енергетика на Албанија во понеделникот  ја одзеде лиценцата на чешката компанија ЧЕЗ за дистрибуција и снабдување со електрична енергија. Како што јавија албанските медиуми, причина за ова е неисполнувањето на обврските кон владата во Тирана, предвидени со договорот за приватизација на поранешната албанска електродистрибуција.

Претседателот на Регулаторниот завод за енергетика, Сокол Рамадани изјави дека одземањето на лиценцата на овој оператор за дистрибуција на електрична енергија е поради нереализирањето на основната функција од страна на компанијата ЧЕЗ, кога станува збор за увозот на електрична енергија за снабдување на граѓаните.

Со одлука на Заводот ЧЕЗ- Албанија е избришана од регистарот и сега на нејзино место е регистрирана Компанија за дистирубиција. Според Заводот ЧЕЗ има големи долгови кон Владата. Од друга страна чешката компанија уште од приватизацијата се сочува со големи проблеми околу наплата на сметките за потрошена електрична енергија, чиј процент во оделени делови не надминува ни 10 отсто, како и големата загуба во мрежата која надминува 35 отсто, дел поради старата мрежа, но добар дел поради нелегани поврзувања.

Од друга страна пак ЧЕЗ се жали и на големи неплатени сметки и од страна на државни и јавни претпријатија и институции. Компанијата наведува дека одлуката за одземање на лиценцата е во целосна спротивност со законот и најави жалба до меѓународната арбитражната комисија. Инаку ЧЕЗ во март 2009 година за 102 милиони евра стана сопственик на 76 отсто од акциите на електродистрибуција која беше дел од албанската електрокорпорација КЕШ.