Зошто цените на путерот се зголемуваат?
Објавено во: Економија 19 Август, 2025 21:25
Цените на путерот во САД достигнаа највисоко ниво во последната година, додека глобално цените на млечните производи се повторно зголемени. Овој тренд дополнително ги загрижува потрошувачите околу можниот нов раст на цените на храната.
Според податоците на Федералната резерва на Сент Луис, цената на путерот во САД во јуни изнесувала околу 4,80 долари за фунта (0,45 кг), што е речиси четири проценти повеќе отколку во јуни 2024 година и највисоко ниво од почетокот на 2023 година.
Главните причини за растот се ограничените глобални залихи на млеко и зголемените трошоци за производство, вклучувајќи труд и пакување. Индексот на цените на путерот на Организацијата за храна и земјоделство на ОН (FAO) достигна рекордно ниво.
Меѓународните фјучерси за путер бележат нагло зголемување во последните недели, што укажува на слични нарушувања во односот понуда-побарувачка во САД, ЕУ, Нов Зеланд, Аргентина и Австралија.
Иако САД произведуваат поголем дел од својот путер, меѓународните референтни цени директно влијаат на домашните големо- и мало- трговски цени. Дополнително, зголемените влезни трошоци, како храна за стока и труд, се пренесуваат и врз цените во Европа и Нов Зеланд, особено пред сезони на висока потрошувачка.
Истражување на Ројтерс и Ipsos од април покажало дека речиси 90 отсто од Американците се загрижени за растот на инфлацијата, додека само 32 отсто го одобруваат начинот на кој претседателот Доналд Трамп управува со економијата.
Економистите предупредуваат дека тарифите на Трамп би можеле дополнително да го зголемат притисокот врз цените за потрошувачите. Последните податоци покажуваат дека инфлацијата во САД достигнала 2,7 отсто во јуни, што е пораст по 2,3 отсто во април.
Главните причини за глобалниот пораст на цените на млечните производи се:
- Намалена производство на млеко во Нов Зеланд,
- Проблеми во европското земјоделство поради топлотни бранови,
- Силна побарувачка од прехранбената индустрија во Кина и Југоисточна Азија.
Овој меѓународен раст на цените ја покренува големо-продажната цена која потоа се пренесува низ ланецот на снабдување до американските трговци и потрошувачи.
foto freepik.com
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ПО ИНЦИДЕНТОТ СО ТУРЦИ ВО ПОДГОРИЦА: Во ноември, секој ден се затвораше по една турска компанија
Цената на кафето расте, но луѓето не се откажуваат од својот омилен напиток
Како да се одреди вистинската плата за новoто работно место?
Германија тоне во најлошата криза од 1945 година, индустријата се соочува со проблеми
Цени во најсеверната продавница во светот, поевтино е од САД
Хрвати се иселиле во Полска, тврдат дека земјата е драстично подобра од Хрватска
Обидот за увоз на берачи од Бангладеш и Пакистан не успеа во соседството
БДП СЕ ЗГОЛЕМИ ЗА 3.8 ОТСТО: Кои сектори се со најголем раст?
