Зошто Кинезите се заинтересирани за изградба на каналот Белград-Скопје-Солун?

Добивај вести на Viber

Двете соседни земји не покажуваат посебен интерес за проектот кој по 100 години го оживеа српската влада, но како заинтересирана страна се појави Кина, пишува српкиот весник „Новости“. Пред се би можело да стане збор за економски интерес, бидејќи ако земе учество во проектот Кина би ги вработила своите големи фирми, како и голем број луѓе. Кинезите исто така сакаат да ги продаваат  своите производи на територијата на Европа на својот најголем пазар - Европската унија, анализира весникот. Дека најголем интерес за влегување на Кина во големиот проект имаат токму кинеските компании посочи и Џу Лијенши, советник за економија во кинеската амбасада. „Овој проект ќе биде голема економска можност за нашите компании, а најзаинтересирани се „ Чајна Џезуба груп корпорејшн“,  која ја градеше најголемата брана во Кина “, изјави Жу за „Новости“. Тој истакна дека српската и кинеската влада се уште не направиле конретен договор за изградба на каналот на Морава. Српскиот миностер пак , Милан Бачевиќ, според кој изградбата на Каналот е стогодишен српски сон, вели дека интересите на Кина во овој проект се повеќекратни. „Ним им е важно дека нивната стока преку овој воден систем може многу полесно и поевтино да стигне  до Централна и Западна Европа. Една голема држава, која има толку многу пари и која сака да вложува во големи проекти, нема да ја пропушти оваа шанса. Прашање е дали таа можност, под уште поповолни услови и може да ја понуди и некој друг. За тоа допрва ќе треба да се зборува ", вели Бачевиќ. „Оној кој ќе биде дел од каналот на Морава во Србија, без огледа на сопственичкиот договор, тој ќе биде геополитички и геостратешки присутен во Европа“, изјави српскиот Министер за Новости.