ЗОШТО НЕКОИ ЛУЃЕ НИКОГАШ НЕ СЕ ЗАРАЗИЈА, А НЕКОИ НЕКОЛКУ ПАТИ ИМАА КОВИД: Имунологот Попадиќ дава објаснување

Добивај вести на Viber

Зошто некој е заразен со ковид повеќе од еднаш и како е можно некои од луѓето да го избегнат вирусот за повеќе од две години од пандемијата?

Поради тоа што голем број луѓе стапиле во контакт со вирусот, во овој шести пик состојбата ќе биде подобра во април и мај, сметаат експертите. Бројот на заразните честички на вирусот што ги среќаваме во околината е преголем и го нарушува имунитетот и по инфекцијата и по вакцинацијата и затоа има ситуација некој двапати да заболи од Ковид.

Српскиот имунолог, професор д-р Душан Попадиќ објасни дека корона вирусот ќе го избегнуваат само оние кои живеат во изолација во некои помали области и не доаѓаат во многу контакт со други луѓе.

„Ако работите се случат онака како што се надевам, не само јас туку и другите експерти, мислам дека ова ќе биде крај на пандемијата, бидејќи многу е веројатно дека веќе имаме над 50 проценти од вакцинираната популација ширум светот. Кога ќе се додаде бројот на оние кои оздравеле, а не знаеме точно колку такви луѓе има, бидејќи во поголемиот дел од светот бројот на заразени се покажува помал од реалниот број на новозаразени - многу веројатно е дека ќе имаме  ситуација до мај да имаме 80 отсто од светската популација која ќе има контакт со вирусот и тоа остава многу помалку простор за нов бран пандемии“, вели за Мондо.рс професорот Попадиќ.

Коментирајќи ја ситуацијата кога некој се разболува од Ковид и двапати, Попадиќ истакнува дека тоа повеќе зборува за вирусот отколку за нашиот имунитет.

-Оваа последна варијанта, која сега е доминантна во Западна Европа и некои други делови од светот, е таква што бројот на заразни честички на вирусот што ги среќаваме во околината е преголем и го нарушува имунитетот, и по инфекцијата и по вакцинација“, објаснува професорот.

Тој додава дека сите треба да се имунизираат и да не чекаат да се заразат, и нагласува дека не може да има слабеење на имунитетот поради честите вакцини.