Зошто сега не е погоден момент за излез од пазарите на капитал?
Објавено во: Анализа 07 Август, 2014
На крајот на 1996 година тогашниот претседател на Федералните резерви на САД Алан Гринспен предупреди за присуството на "ирационалno изобилство" на пазарите. А сега изгледа дека пазарните проценки го привлекоа вниманието и на еден од неговите наследници, имено - на Џенет Илеин.
За време на сослушувањето пред Конгресот на САД во средината на јули сегашниот претседател на ФЕД предупреди дека оценките во некои сектори се "суштински надуени". Но без промени во курсот на монетарната политика сличните коментари не влијаеа значително на изгледите пред пазарите, пишува главниот инвестициски директор на UBS Wealth Management Марк Хeфл.
Додека фокусот на Џенет паѓа врз постигнувањето на целосна вработеност, инвеститорите треба да гледаат на ФЕД како на главен двигател на економијата и за текот на пазарното закрепнување во САД.
Освен тоа силните податоци за бруто-домашниот производ за второто тримесечје, објавени минатата недела, едвај ќе го сменат нејзиниот курс во краток рок. Подобрувањето на економијата би требало дополнително да ја поддржи побарувачката на ризични средства, какви што се акциите.
Тогаш (како и сега) говорот на Гриспан за "ирационално изобилство" доаѓа во момент во кој технолошките компании беа во подем, а американските акции беа проценети на 17,5 пати. Сепак коментарите на Гриспан се покажаа избрзани - пазарите растат повеќе од три години по неговиот говор.
Коментарите од моќни претседатели на централни банки од рангот на Џенет и Гринспен можат да бидат од значење, ако тие потоа водат до затегнување на курсот на монетарната политика. Гриспан претпочита да се справи со последиците од пукање на балоните, наместо да си стави обетка на уво.
Фокусот на Џенет на бавното закрепнување на нивото на вработеноста во САД сугерира дека и таа ќе претпочита да се задржи флексибилниот курс на монетарната политика, отколку да се заостри курсот премногу рано и подложи на ризик создавањето на работни места. Реалните каматни стапки во САД најверојатно ќе останат негативни за речиси две години.
Кога оценките се блиски до долгорочните средни, како што се денес, други фактори, како на пример претставувањето на економијата и растот на корпоративните профити, се поважни од оценките. И двете се солидни, имајќи ги предвид податоците за американскиот БДП од минатата недела и сегашните извештаи за компаниите во составот на S & P 500, покажувајќи 9-процентен раст на профитот.
K.K.
