Зошто тимот на Јанева се откажа од „Сопот“?
Објавено во: Македонија 19 Март, 2018
Не постојат докази кои го потврдуваат обвинението за „Сопот“, ова е образложението со кое специјалната јавна обвинителкa, Катица Јанева и нејзиниот колега Бурим Ристеми на денешното рочиште на кое се даваше завршен збор, се откажаа од обвинението за „Сопот“.
Јанева на денешното судење се откажа од обвинението кое го наследи од организиран криминал. Судот пак одлучи да ги ослободи обвинетите и ги упати да бараат отштета во граѓанска постапка. Но, СЈО продолжува и понатаму да го истражува „Сопот“, со меѓународна правна помош и со друга теорија на случајот за убиството на двајца полски војници и еден цивил во 2003 година во атарот на селото Сопот.
„Дел од предметот е во предистрага, се работи конкретно заме меѓународна правна помош, со блиска соседна држава на Република Македонија, значи се бара како да се земе исказ од одредени лица кои можат да придонесат за утврдување на сторителот на ова кривично дело“- вели Јанева.
СЈО го презеде случајот Сопот минатата година врз основа на јавно објавениот прислушуван разговор помеѓу екс челниците во МВР, Гордана Јакулоска и Сашо Мијалков. Според СЈО, досегашните пресуди биле засновани на сведочењето на Бајрам Рамадани, кој исказот го дал под присила. Тој и јавно кажа дека бил малтретиран во полиција со цел да му биде изнуден исказот.