Зошто туристите ја избираат Грција пред Турција?

Добивај вести на Viber

Грција и Турција - соседи и историски непријатели, ги делат истите сини води на Егејското Море, вкусна храна и древни урнатини, макар и само една од страните да заработува повеќе на туристичкиот фронт.

Иако е речиси во економски колапс, состојбата на Грција не влијаеше на привлекувањето на туристи, но близината на Турција кон военото жариште Сирија и заканата од терористички напади се покажаа како  вистински проблем, пишува Bloomberg.

Во ова лето ситуацијата не изгледаше воопшто добра за Грција. Сепак туристите кои бараат сончеви плажи и острови, ги наполнија џебовите со пари и се упатија назад кон Грција. Јули се покажа рекорден месец, покажуваат последните статистички податоци.

Сосема блиску, источно од грчките острови, се наоѓа Турција, чија економија расте, но туризмот далеку не се радува на добри резултати во оваа година.

Бројот на туристите кои пристигнуваат на турските аеродроми, почна да опаѓа во април. Во земјата имаше ескалација на насилството, која достигна кулминација со нападот врз дворецот Долмабахче - една од најпопуларните туристички атракции во Истанбул. Овој инцидент посеа стравови кај странските туристи, кои сметаат дека може да паднат на погрешно место во погрешно време.

Други фактори кои му влијае на туризмот во Турција беше една од најдобрите туристички дестинации за Русите. Колапсот на рубљата значи дека многумина веќе не можат да си дозволат да ја посетат земјата.

Посетителите кои доаѓаат од Русија, се намалиле за 24% во првите шест месеци од 2015 година во однос на истиот период минатата година, покажуваат податоците на Министерството за култура и туризам на Турција.

Дури Турците одат на одмори во Грција, каде што цените се намалија значително во споредба со оние во Турција.