Зошто вакцинациите против Ковид-19 не траат подолго?

Добивај вести на Viber

Вакцините против мали сипаници штитат од 10 до 20 години, а oние против тетанус траат една деценија или повеќе. Но, американските официјални претставници размислуваат дали да одобрат бустер на ковид-19 за вакцинирани возрасни, шест месеци по првата инокулација, пишува Вол Стрит Џурнал. 

Целта на вакцината е да обезбеди заштита што ја овозможува природна инфекција, но без ризик од сериозни болести или смрт.

„Добрата вакцина придонесува некој да не се зарази дури и ако е изложен на вирусот“, рече Рустом Антиа, професор по биологија на Универзитетот Емори, кој ги проучува имунолошките одговори. 

„Но, не сите вакцини се идеални“, вели тој. 

Трите нивоа на одбрана, рече тој, вклучуваат целосна заштита од инфекција и пренос; заштита од сериозни болести и пренос; или заштита само од сериозни болести.

Ефективноста зависи од имунолошкиот одговор што го предизвикува вакцината, од тоа колку брзо се распаѓаат добиените антитела, дали вирусот или бактериите имаат тенденција да мутираат и локацијата на инфекцијата.

Прагот на заштита е нивото на имунитет што е доволно за да не се разболите. 

Вакцините Џонсон и Џонсон и АстраЗенека, користат аденовирус , а вакцините Фајзер и Модерна  кои делуваат поинаку, воопшто не содржат вирус.

Но, потешко е да се контролираат вирусите и бактериите кои мутираат за да избегаат од имунолошкиот одговор на телото.

PHOTO: JILL CONNELLY/BLOOMBERG NEWS