01 Декември, 2020
0.0254

Зошто вицепремиерот Фатмир Битиќи не поднел Анкетен лист за имотната состојба во Антикорупциска?

Објавено во: Економија 30 Октомври, 2020

Вицепремиерот за економски прашања Фатмир Битиќи се уште не поднел Анкетен лист за својата имотна состојба и за тоа што поседуваат неговите најблиски во Државната комисија за спречување на корупција и судир на интереси.

Од „Антикорупциска“ потврдуваат дека рокот, според Законот за спречување на корупција, е одамна поминат, а владиниот заменик-претседател, кој доаѓа од редовите на СДСМ, е на оваа функција откако Владата беше изгласана од Собранието на 30 август. Битиќи не поднел ниту изјава за интереси во која треба да наведе колку и какви бизниси евентуално поседува, дали и колку има свои блиски што се вработени во јавниот сектор, дали има судир на интереси и слично

„Од увидот во Електронската база во ДКСК и Деловодникот произлегува дека лицето Фатмир Битиќи нема поднесено анкетен лист и изјава за интереси“, потврдија од ДКСК за „Фактор“. Останува непознато дали некој го потсетил вицепремиерот кој е најодговорен за развојот на македонската економија дека е должен по закон да ги исполни овие обврски.

Во базата на податоци во Антикорупциска може да се провери дека сите останати новоименувани функционери во Владата веќе одамна ги поднеле новите анкетни листови, а исто така и замениците кои беа подоцна изгласани во Собранието.

„Избран или именуван функционер, одговорно лице во јавно претпријатие, јавна установа или друго правно лице кое располага со државен капитал, при изборот или именувањето, а најдоцна во рок од 30 дена од денот на изборот или именувањето, пополнува анкетен лист со детален попис на недвижен имот, подвижни предмети од поголема вредност, хартии од вредност и побарувања и долгови, како и друг имот што е во негова сопственост, или сопственост на членовите на неговото семејство, со наведување на основот на стекнување на пријавениот имот и депонира заверена изјава од нотар за откажување од заштита на банкарска тајна во однос на сите сметки во домашни и странски банки“, се вели во законот за спречување на корупција.

Битиќи пред два месеци за прв пат е избран како државен функционер, а претходно извршуваше само партиска функција во СДСМ како претседател на комисијата за финансии, а беше и советник за економија во премиерскиот кабинет на Зоран Заев.

Премиерот Заев за Битиќи рече дека во Владата доаѓа од бизнисот, како поранешен извршен директор на Стопанската комора на Северозападна Македонија.

А.К.


Можеби ќе ве интересира

Бесими: Добро е што има многу амандмани на предложениот буџет

Бесими: Добро е што има многу амандмани на предложениот буџет

Министерството за економија ќе ги испрати до Влада предлозите за недела како неработен ден

Министерството за економија ќе ги испрати до Влада предлозите за недела како неработен ден

И ВО КОВИД ПАНДЕМИЈА РАБОТОДАВАЧИТЕ МОРА ДА ИСПЛАТАТ К-15: За 2020 регресот за годишен одмор над 10.000 денари

И ВО КОВИД ПАНДЕМИЈА РАБОТОДАВАЧИТЕ МОРА ДА ИСПЛАТАТ К-15: За 2020 регресот за годишен одмор над 10.000 денари

Извршителите наплатиле од државата рекордни 22 милиони евра

Извршителите наплатиле од државата рекордни 22 милиони евра

Странските инвестиции повторно во минус, има ли плафон за цехот од кризата

Странските инвестиции повторно во минус, има ли плафон за цехот од кризата

Колку години ќе постат акционерите на најголемиот производител на сувомесно?

Колку години ќе постат акционерите на најголемиот производител на сувомесно?

КРИЗАТА ГО ЗЕМА ДАНОКОТ: Се намалил бројот на работници во индустријата

КРИЗАТА ГО ЗЕМА ДАНОКОТ: Се намалил бројот на работници во индустријата

Доларот паѓа, повеќе не е водечка валута во светот

Доларот паѓа, повеќе не е водечка валута во светот

НОВИ 15.000 ЛУЃЕ БЕЗ РАБОТА: Зошто се зголеми невработеноста?

НОВИ 15.000 ЛУЃЕ БЕЗ РАБОТА: Зошто се зголеми невработеноста?