26 Октомври, 2021
0.0288

Го гледа ли скопскиот обвинител криминалот што МВР го видел во дата -базите на „Таргет груп“?

Објавено во: Економија 21 Јули, 2021

Скопски обвинител четири години го држи предметот во кој МВР, по пријава од Централниот регистар (ЦР), споредувајќи ги базите на податоци на ЦР и на „Таргет груп“ утврдил индиции на криминал опишан во член 251 од Кривичниот закон. Според МВР има индиции дека „Таргет груп“ неовластено навлегувал во системот на Централниот регистар. Од ЦР тврдат дека „Таргет група“, не само што користи нивни податоци спротивно на закон туку и ги препродава па и незаконски како извор на податоците го наведува ЦР. „Фактор“ пред пет дена побара од скопското обвинителство информации за овој предмет. За денеска ОЈО најави одговори на нашите прашања.

Министерството за внатрешни работи утврдило проблем споредувајќи ги базите на податоци на Централниот регистар и на „Таргет груп“. Централниот регистар го пријавил „Таргет груп“ за злоупотреба во МВР. Истрагата на МВР споредувајќи ги базите на податоци на двете конфронтирани страни утврдило дека постојат индиции за криминал опишан во член 251 од Кривичниот законик кој се однесува на неовластено навлегување во компјутерски систем.

Затоа МВР и поднело пријава до скопското јавно обвнителство есента 2016 година. Клучното прашање е дали „Тагрет груп“ легално стекнал податоци со кои располага во своите бази? Или како што тврдат од Централен регистар тие податоци не само што се нелегално стекнати туку потоа „Тагрет груп“ и нелегално ги препродава. Дали „Тагрет груп“ остварува противправна корист со тоа што препродава финансиски и правни податоци кои ги создава Централниот регистар – самостоен државен орган единствен во земјава овластен со закон да создава, менува, дополнува, одржува и чува регистри во финансиски и правни податоци.

Што се случило?

ЦР во август 2016 година го пријавил во МВР „Таргет груп“ за незаконско дејствување со податоци кои ги произведува единствено Централниот регистар. При тоа податоци „Таргет груп“ ги препродавал како свои продукти преку нивната електронска платформа „Бизнис мрежа“. МВР ги споредил базите на податоци на двете конфронтирани страни. Од тоа произлегол предмет со број РО 2047/2016. МВР својата работа ја завршува во есента 2016 година и предметот го проследува до скопското обвинителство. Таму е формиран предмет, а во рамки на постапката биле повикани да дадат искази стручни лица вработени во Централниот регистар.

Од тогаш до сега овластен застапник на ЦР во повеќе наврати се обраќал до ОЈО за информации за прогресот и статусот на предметот што бил отворен. Но одговор не добиле.

„Фактор“ согласно професионалните новинарски стандарди, пред објава на првиот текст, побара одговор и од засегнатата страна „Таргет груп“. Од таму одговорија дека работат согласно со закон. А нивниот одговор интегрално беше објавен во текстот достапен на следнио линк https://faktor.mk/target-grup-i-biznis-mreza-zloupotrebuvaat-podatoci-od-centralen-registar-dobija-krivichna-prijava

И покрај тоа „Тагрет груп“ по објавата на текстот на „Фактор“ што беше превземен од други медиуми пласираше демант во кој паушално и неосновано го обвини „Фактор“ за пласирање невистини. При тоа „Тагрет груп“ ги занемари фактите односно тоа што текстот на „Фактор“ во целост беше заснован на официјални изјави т.е. одговори од овластено лице од Централниот регистар.

„Фактор“ ќе ги објави во целост информациите кои ќе произлезат од одговорите на скопското Основно јавно обвинителство кои ги очекуваме денеска.

Р.Ф.

Можеби ќе ве интересира

Историски ден за македонскиот стартап екосистем, eве зошто

Историски ден за македонскиот стартап екосистем, eве зошто

Заев објасни дали ќе имаме зголемена инфлација и енергетски ценовен шок

Заев објасни дали ќе имаме зголемена инфлација и енергетски ценовен шок

Мицкоски: Ќе се вратиме 40-50 години наназад кога домаќинствата се соочуваа со недостаток на електрична енергија

Мицкоски: Ќе се вратиме 40-50 години наназад кога домаќинствата се соочуваа со недостаток на електрична енергија

Растат платите во Србија, просечната се искачи на 550 евра

Растат платите во Србија, просечната се искачи на 550 евра

Заев вели дека и во време на пандемија се зголемуваат платите, а тоа е реткост во Европа

Заев вели дека и во време на пандемија се зголемуваат платите, а тоа е реткост во Европа

НАЈЧЕВСКА ПРАШУВА: Зошто во земјава не се стимулира ставање панели на секоја куќа и кому му одговара да останеме енергетски зависни

НАЈЧЕВСКА ПРАШУВА: Зошто во земјава не се стимулира ставање панели на секоја куќа и кому му одговара да останеме енергетски зависни

БЕКТЕШИ: Убеден сум дека ниту по први јануари нема да има големи ценовни шокови кај електричната енергија

БЕКТЕШИ: Убеден сум дека ниту по први јануари нема да има големи ценовни шокови кај електричната енергија

На Балканот и натаму се градат нуклеарни централи, Македонија нема стратешка резерва

На Балканот и натаму се градат нуклеарни централи, Македонија нема стратешка резерва

Скопска фирма со еден вработен направи пола милион евра профит!

Скопска фирма со еден вработен направи пола милион евра профит!