1.000 земјоделци во Прилепско треба електронски да ги обележат обработливите парцели
Објавено во: Агробизнис 14 Мај, 2013
Производителите да побрзаат со електронското обележување на обработливите парцели, апелира Подрачната единица на Министерството за земјоделство, шумарство и водостопанство во Прилеп.
Досега парцелите ги обележале повеќе од 3.500 земјоделци, а рокот завршува утре.
- Уште 1.000 земјоделци треба да ги обележат своите парцели. Ако не дојдат, не ќе можат да ги пријават за годинашните субвенции, вели Коста Дурланов, раководител на Подрачната единица.
Процесот траеше 18 месеци и завршува пред пријавувањето на субвенциите за 2013 година. Според Дурланов, електронското обележување ги намалува манипулациите со површините. Досега во прилепско 30-ина отсто лажно од земјиштетото се пријавувало како обработливо.
- Со електронското обележување не се можни манипулации, точно се прикажува површината која вистински ја работат земјоделците. Не може да се пријавува шума како нива што се случуваше досега, истакнува Дурланов.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
