1 ТВ повторно емитува програма
Објавено во: Македонија 23 Септември, 2019
1 ТВ повторно емитува програма.
На овој телевизиски канал се емитува музика.
Се работи за телевизијата чиј неформален сопственик е Боки 13 кој е во притвор за случајот „Рекет'. Откако тој е во притвор, се случуваше медиумот да прекине, и повторно да емитува програма.
На почетокот на месецот се спомена дека телевизијата ќе се соочи со одземање на дозволата доколку не продолжи емитувањето во наредните 30 дена.
Кабловската телевизија 1ТВ, чиј челник и неформален сопственик е Боки 13, а формална фирма БЈМ медиа група на неговиот татко Миле и Јасна Мандиќ, почна да работи во март 2018.
Бојан во едно интервју објасни дека е вистински сопственик, но дека медиумот се води на неговиот татко, бидејќи неговата сметка е блокирана поради судска пресуда.