ДОЖДОТ НЕМА ДА ПРЕСТАНЕ ВИКЕНДОВ, ТЕТОВО НАЈПОГОДЕНО: Ова се сцените од синоќа
Објавено во: Македонија 05 Октомври, 2024
Од Тетово
пристигнаа видеа и фотографии од синоќешните поплави. Интензивниот
повеќе часовен дожд од вчера
попладне до доцна синоќа придонесоа поплавување на коловозните ленти на
булеварот „Благоја Тоска“ околу последниот кружен тек кај касарната. Полицијата
ги пренасочувала возилата да
одат по други улици.
Тетово Инфо на Фејсбук објави видеа и фотографии од поплавените делови во градот, каде што информираат и дека пожарникарите успеале да извлечат возач што во автомобилот бил заглавен на патот кај Желино.
ТППЕ Тетово информираше дека имале повици за интервенции во Мала и Голема Речица, каде се испумпува вода од поплавени куќи и нивните дворови и подруми.
Инаку, според метеопрогнозерот, Славчо Попоски, циклонската активност во Македонија ќе се задржи и за време на овој викенд.
-Времето ќе биде многу променливо со повремени врнежи од дожд, кои локално ќе бидат пообилни и проследени со грмежи и со засилен ветер. Локално можна е и појава на невреме, проследено со обилен пороен дожд, силен ветер, електрични празнења и со услови за појава град. И во Скопскиот регион за време на овој викенд ќе имаме променливо време со повремени врнежи од дожд. Во делови од котлината врнежите повремено ќе бидат поројни и проследени со грмежи и со засилен ветер. Што се однесува до температурите, тие ќе се искачуваат во интервалот од 15 до 24 степени. Во Скопје температурата ќе се искачува во интервалот помеѓу 23 и 24 степени. Апелираме, во случај на појава на невреме и на електрични празнења, да не се претстојува на отворен простор и под осамени дрвја.