100 Дена од појава на коронавирусот

Добивај вести на Viber

Директорот на СЗО, Тедрос Аданом, потсети дека денеска е 100-от ден од појавата на новиот коронавирус, поточно 100-от ден од кога кинеските власти прв пат ја известија Свестката здравствена организација дека идентификувале избивање на мистериозна пневмонија во градот Вухан.

-100 дена поминаа откако СЗО е информиран за ова, напиша Тедрос на Твитер. Кинеската влада на својата веб-страница на 31 декември 2019 година објави дека е забележан случај на воспаление на бели дробови од до сега непознат причинител во областа околу пазарот за морска храна во Вухан, индустриски град во провинцијата Хубеи, со 11 милиони жители.

Новото откритие поминува едвај забележително, бидејќи тоа е само едно од десеттината случаи на инфекции кои СЗО ги потврди лани во декември, покрај еболата во западна Африка, малите сипаници на Пацификот и треската денга во Авганистан. Но, во текот на овие 100 дена, новиот вирус направи вистински глобален хаос.

Прво, го замрзна меѓубародниот сообраќај, ги изугаси сите економски активности, ја затвори половина од светската популација во  нивните домови, а сето ова беше незамисливо на крајот на декември, додека луѓето го славе а влегувањето на Новата година.

Според последните податоци на Worldofmeters.info од новиот корона вирус, кој науката го нарече Ковид-19, се заразени повеќе од 1,5 милиони луѓе, а 88,505 починаа.

По Кина, која сега по 100 дена веќе ги отвора вратите, жариштето на вирусот е во Европа и во САД.