100 денари паркинг на Водно, од град Скопје задоволни

Добивај вести на Viber

Регулацијата на сообраќајот на скопската планина Водно за време на викендите претрпе нови измени со тоа што се воведе прописен градски парк со обележани паркинг места, а се постави и соодветна инфраструктура покрај патот од страна на град Скопје за да не дојде до паркирање на „диво“ и создавање на огромни гужви. 

Така овој викенд започна новиот систем на паркирање во А0 зоната на средно Водно при што еден час возачите ќе ги чини 100 денари, а секој нареден по 50 денари. За граѓаните кои не доаѓаат со сопствено возило и натаму е понуден бесплатен автобуски презов со специјализирани линии на ЈСП кои проаѓаат и низ централното градско подрачје. 

„Голем број граѓани и денеска го искористија убавото време и бесплатниот автобуски превоз и го посетија Водно. Граѓаните што решија со возила да го посетат Водно прописно паркираа и ја почитуваа ново воведната зона А0 за пакрирање. Од страна на сообраќајна полиција за непрописно паркирање денеска беа казнети вкупно 4 физички лица. Град Скопје деновиве го уреди паркингот на Водно и постави заштитни банкини и столпчиња за да се оневозможи паркирање на самиот пат“ посочија од град Скопје.

Исто така граѓаните кои одат на Водно автомобилите може бесплатно да ги паркираат во две катни гаражи на град Скопје.