Добивај вести на Viber
Министри од држави од Западен Балкан меѓу кои и минсерот Сараќини усвоија денеска во Тирана 11 цели за одржлив и инклузивен економски раст во регионот кои треба да се постигнат до 2020 година. Тој договор е постигнат на министерската конференција на Одборот за вложувања во ЈИЕ од Советот за регионална соработка (SEEIC) во Тирана. Целите се основа на стратегијата ЈИЕ2020 која е инспирирана со стратегијата Европа2020 но прилагодена на специфичноста на регионот. Меѓу целите се зголемување на регионалниот БДП по глава на жител од 38 на 46 отсто, раст на вкупната трговија во стоки и услуги преку 130 отсто како и намалување на трговскиот дефицит од 14,1 отсто на 11,6 отсто регионален БДП. Учесниците како цели одредија и зголемување на нивото на трговија со стоки во регионот за преку 230 отсто до вредност од 42 милијарди евра, вкупен прилив на директни странски вложувања на 7,5 милијарди евра и БДП по вработен за 33 отсто.