Министерот Сарачини ќе ги посети занаетчиите учесници во манифестацијата „Недела на чаршијата“
Објавено во: Економија 11 Јули, 2012
Министерот за економија Ваљон Сарачини и претставници на Занаетчиската комора на Македонија денеска во Старата скопска чаршија ќе ги посетат занаетчиите кои имаат своја изложба на ракотворби, дел од манифестацијата „Недела на чаршијата“.
Министерот ќе оствари средби и со претставници на регионалните занаетчиски комори со цел да ги покани сите занаетчии кои се занимаваат со ракотворби да аплицираат за грантови од 5.000 евра за набавка на алати и опрема, како и стручно оспособување на занаетчиите во рамки на проектот „Автентична ракотворба“, кој се реализира првпат годинава.