Ако сака во ЕУ, Србија мора да го намали процентот на афлатоксин во млекото!

Добивај вести на Viber

Ако не се врати дозволеното ниво на афлатоксин на 0,05 микрограми на килограм млеко, Србија нема да исполни една од обврските во процесот на интеграција во ЕУ, порачува Делегацијата на ЕУ во Србија. Како една од причините зошто Владата смени правилата, според министерот за земјоделство, Горан Кнежевиќ е тоа што оваа одредба не е обврзувачка на листата на услови за пристапување во ЕУ. Ова тврдење за српски „Блиц" го демантираат од Делегациата на ЕУ. „Усогласување на српската легислатива со регулативите на ЕУ е дел од процесот на европска интеграција и пред да влезат во ЕУ и во Србија ќе мора да се применува овој стандард во системот и стандардите за храна“, посочуваат од Делегацијата. Тие наведуваат дека во случај Србија да одлучи да го зголеми дозволеното ниво на афлатоксини во млекото, ова млеко нема да ги исполнува стандардите потребни за извоз на пазарите на ЕУ. Инаку пред два дена, српската Влада одлучи да го промени Правилникот за дозволената количина афлатоксини во млекото од сегашните 0,05 микрограми по килограм, на 0,5, како што беше до пред две години. Спорен увозот на српско млеко во Македонија и Црна Гора од Агенцијата за храна и ветеринарство информираа дека нема да се менува Правилникот за општите барања за безбедност на храната, односно максимално дозволените концентрации на овој афлатоксин во млекото во државата ќе остане на дозволеното ниво од 0,05 микрограми на килограм. Во исто време нема да биде забранет увозот на млеко и млечни производи од Србија, односно ќе биде дозволен увоз само на производи кои ги адоволуваат стандардите за квалитет на млекото, согласно со македонскиот важечки правилник. Вчера,исто така и  Црна Гора му забрани увозот на млеко кои не ги исполнува еврпопските стандарди независно од која земја доаѓа.