Добивај вести на Viber
Најавени нови инвестиции во третата индустриската зона Василево. Од ресорното министерство денеска обелоденија дека овде ќе никне откупно-дистрибутивен центар за зеленчук и овошје, а е планирана изградба и на повеќе објекти за откуп и преработка на земјоделски производи. Веќе се продадени се девет градежни парцели, а на дел од нив почната е и изградбата. За остатантите се прибираат градежните дозволи, информираше заменик министерот за земјоделство Зоран Коњановски.
Исто така беше најавено и дека во Василево ќе профункционира четврта индустриска зона. Ќе се протега на седум хектари, а ќе биде наменета за откуп и дистрибуција на земјоделски производи. Зоната ќе биде понудена на продажба за околу еден месец.
„Радува фактот што општина Василево е една од првите општини која ги разбра пораките на Владата и изврши пренамена и урбанизација на земјоделското земјиште во модерна индустриска зона во која веќе се врши откуп и преработка на земјоделските производи. Преку конзервирање и преработка на пазарниот вишок, се гарантира сигурен пласман и повисок стандард на земјоделците“, изјави Коњановски.
Инаку во овој реон има две индустриски зони каде се изградени 74 објекти, а 30% од нив се за откуп и дистрибуција на земјоделски производи, а 22 капацитета се во фунакција на аграрот. Во нив се вработени 400 лица, а бројот расте кога се ангажираат сезонските работници, главно во лето.