500 деца на божикен ручек во Прилеп
Објавено во: Мои пари 07 Јануари, 2013
Детската амбасада за сите деца во светот со седиште во Прилеп по седми пат организираше Божиќен ручек, на кој 500 деца ќе го прослават големиот празник. На заедничка трпеза ќе седнат децата без родители, децата на загинатите бранители, децата со посебни потреби, како и истакнати деца членови на Детската амбасада од цела држава.
Годинава на божикната трпеза поканети се и деца од другите верски заедници, од исламската, католичката, еврејската и евангелско-методистичката, кои заедно ќе се дружат и ќе празнуваат.
Организаторите најавија дека сите деца ќе добијат пакетчиња.По повод 15-годишниот јубилеј од основањето на Детската амбасада за сите деца во светот, добитници на престижното меѓународно признание Орден за носител на мирот се градоначалникот на општина Прилеп Марјан Ристески, Штерјо Наков од Фершпед, Страшо Милковски од АГД Гранит, Срѓан Керим, претседател на 62-то Собрание на ООН и д-р Златко Пановски од Веледрогерија „д-р Пановски“.