6.500 ДЕНАРИ ПО АКЦИЈА: Современ дом и ЗСФ на Фатмир Етеми доставиле понуда за целосно преземање на Скопски пазар
Објавено во: Финансии 14 Јануари, 2021
Две компании доставиле вчера известување со намера за преземање на Скопски пазар, известија денеска на берзата трите друштва. Станува збор за Современ дом АД Прилеп и ЗСФ-КОМ ДООЕЛ Скопје.
Во намерата за преземање стои дека даваат понуда за преземање на сите обични акции и тоа по цена од 6.500 денари по акција.
Современ дом и ЗСФ - КОМ се двата најголеми акционери во Скопски пазар кои лани како најголеми акционери ги здружија силите во компанијата и по повеќе од десетгодишно владеење ги сменија браќата Давитковски. Двата големи акционери заедно формираа нов надзорен и нов управен одбор.
Скопски пазар“ управува со 13 зелени пазари во Скопје и со еден сточен пазар со капацитет од околу 2.900 продажни места-тезги, располага со деловен простор претежно наменет за издавање со вкупна површина од околу 58.000 квадратни метри.