85 милиони швајцарски франци за развој на Македонија
Објавено во: Мои пари 23 Мај, 2013
Со 85 милиони швајцарски франци ќе се реализираат целите од новата Стратегијата за соработка на Швајцарија со Македонија (2013–2016). Планирана е соработка во три области: демократско управување и децентрализација, економски развој и води, беше посочено на денешната промоција на планот.
Со новата Стратегија за соработка, Швајцарија ќе ја поддржи транзицијата на Македонија кон социјално инклузивна пазарна економија и демократски политички систем, посочи швајцарскиот амбасадор Стефано Лазарото.Почнувајќи од 1992 година, како при осамостојувањето така и во текот на транзицијата на Македонија кон плурална демократија и целосно функционална пазарна економија, Швајцарија обезбедува поддршка за земјава, преку програмите реализирани од Швајцарската агенција за развој и соработка (SDC) и Државниот секретаријат за економски прашања (SECO).