Адвокатите на Груевски потврдија дека ќе бараат последна шанса за спас

Добивај вести на Viber

Адвокатите на екс-премиерот Никола Груевски во понеделник ќе поднесат жалба до Кривичен. За дел од медиумите, тие изјавија дека ќе го искористат законскиот рок и по одбиената молба од Судот за одложување на затворската казна, сега ќе достават жалба до  Кривичниот совет кој исто така има рок да одлучи во рок од три дена . Адвокатите очекуваат Кривиниот совет да  одлучи најдоцна до 8ми ноември кога според упатниот акт Груевски треба да се појави во затворот во Шуто Оризари.

Адвокатот Боро Тасевски вели дека во решението на Судот за одбивање на молбата за одложување на затворката казна е наведено оти Судот смета дека отсуството на Груевски како пратеник не е на штета на Собранието. Адвокатите на Груевски побараа одложување на затворската казна поради пратенички обврски на Груевски  во Собранието кога се расправа за уставните амандмани.

„Од оваа потврда не произлегува дека со извршување на казната затвор од страна на осудениот како пратеник во Парламентот на РМ, би настапила позначителна штета за Собранието со оглед на тоа дека одлуките се донесуваат со мнозинство гласови од вкупниот број на пратеници, напишал Судот во  Решението по барање за одложување на казната.

Груевски е осуден на две години затвор за поттикнување за извршување на делото за набавката на луксузниот „мерцедес“ вреден 600 илјади евра.