Африм Гаши за Фактор24: Се додека Груевски е претседател на ВМРО-ДПМНЕ нема ништо да се смени

Добивај вести на Viber

Во најновото издание на ТВ магазинот Фактор24 гостува и Африм Гаши, еден од основачите на новата албанска политичка партија БЕСА која изненади со освоените 5 пратенички места. 

БЕСА може да биде клучна за формирање на новата влада доколку СДСМ го добие мандатот од претседателот Иванов, но тие стравуваат од ново сценарио подготвено од ВМРО-ДПМНЕ и ДУИ при што нема ништо суштински да се промени што не е добро за разрешница на политичката криза.

Гаши прашан дали пак, би преговарале ли со ВМРО-ДПМНЕ ако биде избран друг мандатар од нивните редови кој не е осомничен од СЈО еве што одговори:

- ДУИ и ВМРО на некој начин заедно играат на тоа сценарио. Ако друга личност од ВМРО стана мандатар, а потоа и премиер ние ќе го добиеме вториот Емил Димитриев. Ние сме во ситуација во која Груевски повеќе од година дена не е премиер, а сите работи тој ги води во Македонија. Квалитативно нема ништо да се смени, оценува Гаши.

Премиерата на новото издание на ТВ магазинот Фактор24 ќе се емитува утре (среда) од 22:30 часот на Телевизија 24. Емисијата Фактор24 е проект подготвен и уредуван од тимот на веб порталот faktor.mk.