Ахмети на Тимоние се пожали за медиумски притисок и судирање на членството

Добивај вести на Viber

Али Ахмети на средбата со францускиот амбасадор Тимоние посочи дека во изминатиот период медиумите вршеле ирационален притисок врз ДУИ и пласирале различни непостоечки теми за наводна поделба меѓу крила на партијата и судири на членството.

„Ахмети нагласи дека овој медиумски ирационален и преференцијален притисок се обидува да создаде непостоечки теми за органите на партијата за наводни поделби помеѓу различните крила и ова се прави со цел да се ослабне ДУИ. Одлуката на ДУИ треба да создаде стабилност, безбедност, издржливост како и да биде во партнерство со меѓународната заедница бидејќи имаме заеднички интереси и цели, интеграција на земјата во НАТО и ЕУ, стои во соопштението.

На средбата било разговарано за политичката ситуација во земјава по изборите на 11 декември. Ахмети нагласил дека за ДУИ стабилноста на земјата е многу важна, наспроти локалните, регионалните но и глобалните предизвици, па затоа нема да се брза со донесување на одлуката.

„Претседателот на ДУИ се осврна на преговорите со ВМРО-ДПМНЕ и со СДСМ откривајќи ги нашите приоритети за заокружување на Охридскиот договор, владеење на правото, добрососедски односи, економски развој и евроатланска интеграција“, стои во соопштението од ДУИ за средбата.