Ахмети тврди дека клучот за влада е кај Иванов, а не кај нив

Добивај вести на Viber

Претседателот на ДУИ, Али Ахмети по денешните консултации со претседателот на државата,  Ѓорге Иванов порача дека сите треба да придонесат за излез од кризата и изнаоѓање одржливо решение за иднината и стабилноста на земјата. 

Вели дека кај ДУИ бил клучот, но веќе го префрлил него кај претседателот Иванов. 

Ахмети кажа дека сите опции за формирање нова влада се отворени. 

„Бевме информирани за целиот процес на доаѓањето до едно решение на нашите прашања и како да стигнеме до парламентарно мнозинство затоа што одговорност на сите нас е да изнајдеме прифатливо решение за да имаме стабилни институции и понатаму да менаџираме со државата“ - рече Ахмети. 

Додаде дека на средбата со Иванов се зборувало и за политичката ситуација во регионот и пошироко. 

Во претседателската вила „Водно“ попладнево шефот на државата треба да има средби и со лидерот на ВМРО-ДПМНЕ, Никола Груевски. 

Консултациите на претседателот со партиите, следуваат по средбата на Иванов со претседателот на Уставниот суд, Никола Ивановски и по средбата со шефот на делегацијата на ЕУ во Република Македонија, Самуел Жбогар.