Кина го возвраќа ударот – ММФ и Светска банка добија конкурент!
Објавено во: Свет 01 Април, 2015
Овој викенд Русија, Холандија и Австралија најавија дека ќе се приклучат на предводената од Кина Asian Infrastructure Investment Bank (AIIB). Членството во банката стана нешто како тест за дипломатското влијание на Кина и САД. Банката за развој се смета за конкурент на постојните институции како Светската банка или Азиската банка за развој.
Кина се соочува со неможноста да го зголеми своето влијание во сега постоечките институции - Пекинг управува само 6,47% од гласовите во Азиската банка за развој, 5,17% во Светската банка, и 3,81% во Меѓународниот монетарен фонд. Затоа Кина одлучи едноставно да си изгради алтернатива. Банката има за цел да ја компензира разликата во финансирањето за потребите на регионот од околу 800 милијарди долари годишно за инвестициите во инфраструктурата, покажуваат податоците на Азиската банка за развој. Се очекува AIBB да почне со работа во текот на оваа година.
Досега над 40 земји се приклучија кон AIIB а крајниот рок за пристапување кон основачите истекува на 31 март. САД и само еден од нивните главни сојузници - Јапонија, остануваат надвор од овој список. САД и други критичари се сомневаат дали предводена од Пекинг институција ќе ги покрива меѓународните стандарди за транспарентност и одржливост на долгот, како и стандардите за заштита на животната средина и социјална заштита, или едноставно ќе се претвори во една од алатките на кинеската надворешна политика. Минатата недела министерот за финансии на Јапонија изјави: "Освен ако Кина не ги расчисти овие прашања, кои не се јасни на сите, Јапонија ќе остане внимателна".
Но, бидејќи се повеќе држави се приклучија на банката, се поверојатно станува AIIB да ги следи меѓународните стандарди, забележуваат набљудувачите, и станува помалку веројатно Кина да биде во можност да користи мултилатерални институции, за да врши влијание во регионот.
Еве ги сите земји кои се приклучија или поднеле апликација за членство во AIIB, освен Шпанија, која потврди на крајот на минатата недела, дека исто така ќе аплицира да биде член, и Јужна Кореја.
К.К.
Можеби ќе ве интересира
Ова е директорот со најголeм бонус во светот! Го частеа повеќе отколку што му е годишната плата-причината 100 отсто оправдана!
Шок сцена во Парламент: Пратеник украде важни документи од опозицијата, а потоа настана општ хаос (ВИДЕО)
Франција изгуби контрола над делови на Нова Каледонија: На островот одекнуваат истрели и експлозии (ВИДЕО)
Советот на Европа го усвои првиот меѓународен договор за вештачка интелигенција
„Кина е клучниот снабдувач во светот“: Светската индустрија тешко ќе се одвикне од производството на истокот, еве зошто
„Му реков, Емануеле ние не веруваме во тоа“: Зеленски го одби предлогот на Макрон, се огласи и Путин
Анализа на Washington Examiner по атентатот на Роберт Фиц: Зошто политичките убиства ќе бидат сѐ почести?
ЗАКАНИ ПО ЖИВОТ: Словачки политичар пријавил во полиција
УКРАИНА Е ВО КРИТИЧНА ФАЗА: НАТО подготвува „неизбежно“ испраќање војска
