Ако користите отровни препарати ќе платите казна 12.000 евра
Објавено во: Агробизнис 29 Мај, 2013
Евиденција за препаратите ќе мора да води секој земјоделец како и да ги запишува периодот и дозата на употреба, а ако применува отровни производи за заштита, предвидена е глоба до 12.000 евра.
Доколку, пак, се појават некои болести и штетници на растенијата на нивите што ги одгледува, должен е во најкус можен рок за тоа да ги извести Земјоделската инспекција и Фитосанитарната управа, пишува Дневник.
Ова се само мал дел од измените на законите за заштита на растенијата и за саден и семенски материјал, кои веќе стапија во сила од средината на месецов.
Според истите закони, Владата ќе прави мониторинг на целата држава за да се утврди дали земјоделците можеби користат препарати што не се дозволени, како и за тоа што сж се увезува од страна на трговците со препарати за заштита, како и каков семенски материјал влегува во земјата.
Фитосанитарната управа за контролите и за мониторингот ќе поднесува извештај до Владата за тековната година најдоцна до април следната година.
Казни ќе добиваат и увозниците што пуштаат во промет саден и семенски материјал без официјални етикети, ако го препакуваат без официјално да се обележи како да се задржи квалитетот на семето и на садниот материјал
Сепак земјоделците сметаат дека тешко ќе оди со евиденцијата на третирањето со средствата за заштита на растенијата.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
