АКО НЕ СЕ ПОЈАВИ ВЕДНАШ: На Сеад Кочан му се заканува долготраен притвор!

Добивај вести на Viber

Одлуката на Апелација за Кочан значи директен билет за во притворот во Шуто Оризари. Правни експети коментираат дека доколку Кочан биде пронајден и фатен во бегство тогаш притворот ќе трае подолго време, затоа што дефинитивно ќе се смета дека бил бегалец. 

Доколку тој сепак се појави во текот на денешниот ден, најдоцна утре, тоа ќе може да му се смета за олеснителна околност, па може да се случи да мине во притвор и само 30 дена, ако во меѓувреме достави силни гаранции дека нема да бега од Македонија, велат адвокати за Фактор.

Како и да е, за Кочан ќе биде тешко да докаже дека нема намера за бегство, со оглед дека веќе 9 ти ден е надвор од Македонија, а од него нема ниту трага ниту глас, ако се изземе тоа дека неговиот адвокат рече дека не е во бегство туку на службен пат.

Инаку Апелација го одобри притворот на Кочан по единствена основ, опасност од бегство, што беше и очекувано.

Кочан е осомничен во случајот Труст за проневера на 17 милиони евра, заедно со сопственици и управители на уште три компании.. Инаку неговата Трансмет е фирма која последните години има учествувано на многу јавни тендери.

Од тендери за ископ на јаглен до тендeри за изградба на булевари, делници, чистење на канали, барокни фасади – компанијата „Трансмет“ чиј поранешен сопственик Сеад Кочан е првоосмничен во најновата истрага на Специјалното јавно обвинителство, важи за доминантна компанија во тендерските зделки со Владата на ВМРО ДПМНЕ. Од 2012 година досега оваа компанија има добиено близу 64 милиони евра од државни тендери.

Според податоците од Бирото за јавни набавки, најкрупните тендери се со РЕК Битола, односно за четири години, „Трансмет“ на Кочан  кеширала околу 55 милиони евра од два тендера со РЕК Битола.