Ако патувате во Црна Гора, а не исполнувате ниту еден од овие услови, ќе одите во изолација

Добивај вести на Viber

Се менуваат правилата за влез во Црна Гора. Владата  ги усвои новите мерки за борба против коронавирусот кои ќе стапат на сила од вторник (14 септември), а се однесуваат на влегувањето на странски државјани, но и државјани на Црна Гора во земјата.

Од вторник влегувањето во Црна Гора ќе биде дозволено само ако државјаните на Црна Гора, но и странците исполнуваат еден од следните услови:

- да се поминати 14 дена од ревакцинација со вакцините против Ковид-19;

- личноста да поседува негативен ПЦР тест кој не е постар од 72 часа или;

- позитивен ПЦР тест кој не е постар од 180 дена;

- личноста да поседува негативен брз антигенски тест кој не е постар од 48 часа.

Во Црна Гора безусловно влегуваат само лица помлади од 18 години.

„Државјаните на Црна Гора или пак странците кои при влез во државата нема да исполнат ниту еден од овие услови се упатуваат во изолација која може да се прекине со ПЦР тест кој е негативен по шестиот ден од преминувањето на границата“, изјавила министерката за здравство Јелена Боровиниќ Бојовиќ. 

Во текот на летната сезона, државјаните од земјите од регионот, можеа слободно да влегуваат во земјата. Но, потоа бројот на заболени брзо порасна, а мерките се заострија. Неодамна Будва беше „корона бомба“, затоа што имаше висока бројка на заразени со ковид. 

foto unsplash.com