Ако патувате во Грција со негативен ПЦР тест, има нови правила

Добивај вести на Viber

За влез кај јужниот сосед има нови правила. При влезот во Грција од Македонија за оние кои патуваат со негативен корона тест ќе има задолжително тестирање. 

Патниците кои во Грција влегуваат од 16 држави меѓу кои и Македонија, а немаат сертификат за вакцинација со поминати 14 дена од имунизацијата или потврда за прележан коронавирус, односно патуваат со негативен ПЦР или рапид тест, задолжително ќе бидат тестирани при пристигнувањето, а негативниот резултат е предуслов за влез во земјата, јави дописничката на МИА од Атина. Дополнителната мерка е вклучена во новата министерска одлука на грчката Влада „Предуслови за влез во земјата за да се ограничи ширењето на Ковид-19“, што е веќе објавена во Службен весник на Грција, а во 6 часот утрово стапи во сила. За неопходните документи за влез во Грција кои се поврзани со Ковид-19 нема промени и исто како и во изминатите три месеци за патување кај јужниот сосед потребен е сертификат за вакцинација или негативен ПЦР/ рапид тест или потврда за прележан вирус, заедно со пополнет PLF формулар. Грција на ковид мапата на Европа беше обоена во црвено, поради големиот број на заразени со коронавирусот.