Актор бара продолжување на роковите за Коридор 10
Објавено во: Економија 18 Февруари, 2017
Грчката компанија Актор барала продолжување на роковите за сите четири делници за Коридорот 10 по половина година, рекла министерката за градежништво, сообраќај и инфраструктура Зорана Михајловиќ, пренесува српскиот портал bizlife.
Михајловиќ на конференцијата за новинари во Владата на Србија истакнала дека министерството заземало став после извештајот на Работната група и Надзорна комисија за доцнење на работите и го проследиле до јавното претпријатие Коридори на Србија.
„Потписник на договорот со Актор е компанијата Коридори Србија која е надлежна за нивна реализација. Министерството за градежништво, сообраќај и инфраструктура го дефинирало ставот и чека одговор“, рекла Михајловиќ.
Таа истакнала дека е „нормално понекогаш да има проблеми, но дека главна причина во доцнењето на работите на Актор е недоволно луѓе на трасите“.
Роковите за завршување на работите на Коридорот 10 на трасите кои ги гради оваа грчка компанија се, според нејзините зборови кон крајот на оваа година и првото тромесечие во наредната година. Актор работи на делниците Банцарево-Црвена река, Црвена река -Чифлик, Станичење-Пирот, во должина од 48 километри и на обиколницата околу Димитровград.