Добивај вести на Viber
И покрај се берзата во САД расте. И тоа не само што расте туку полека оди кон нови врвови. Интересно е дека во последните неколку недели уплатите во отворените фондови растат и секоја недела има нето прилов од неколку милијарди долари. Според многу аналитичари берзата дури сега ја почнала својата игра.
Дали ова што се случува е претерано, не може да се знае. Луѓето може да бидат нерационални многу, многу долго време.
Но во моментов се случува еден интересен феномен. Компаниите и аналитичарите ги намалуваат проекциите за раст, додека цените продолжуваат да растат.
Како што сме пишуваве порано, еден од основните показатели за тоа дали цените на акциите се скапи или ефтини е таканаречениот цена/заработка коефициент.
Еве како е во моментов:
Резулатот е 17,24 – додека долгогодишниот просек е некаде околу 15. Но внимавајте, доколку цените продолжат да растат а добивките да паѓаат овој коефициент ќе продолжи да расте и ќе ја направи берзата доста скапа.
Еве сега график кој можеби е подобар и ни дава 10 годишен просек на овој коефициент:
Вака гледано имаме коефициент од 23. Просек е некаде околу 17. Според ова цените во САД се доста преценети.
И за крај да се вратиме на почетокот на текстот, она што е најстрашно е дека компаниите постојано ги намалуваат очекувањата за идниот профит
Овој график го покажува токму тоа. Сините линии се очекувањата кои постојано се намалуваат, додека зелената е берзата која засега тоа го негира.
Корелација мора да се воспостави во некоја точка. Прашањето е дали тоа ќе биде поради растењето на добивките или падот на цените на акциите.
Редакција Фактор