Албанија и Косово го враќаат полицискиот час
Објавено во: Балкан, Корона Вирус 30 Август, 2021
Албанија и Косово го враќаат полицискиот час. Соседна Албанија го враќа полицискиот час и најави задолжителна вакцинација за некои граѓани.
Нови мерки ќе бидат воведени од 1 септември, објави денеска Техничкиот комитет на експерти. Порталот „Егзит“ пренесува дека новите мерки вклучуваат повторно воведување полициски час од 23 часот до 6 часот наутро. За да влезете во Албанија од 6 септември ќе ви треба сертификат за вакцинација или ПЦР тест не постар од 72 часа, или потврда за прележан Ковид-19 не постара од шест месеци, пишува „Еј-би-си њуз Албанија“. Оние што немаат еден од тие три сертификати ќе одат во 10-дневен карантин. Заменичката на албанскиот министер за здравство, Мира Ракацољи, изјави дека вакцинацијата ќе биде задолжителна за здравствените работници, студентите и наставниците кои ќе треба да се вакцинираат до 30 септември.
Полициски час се воведува во Косово од денеска до 13 септември.