Албанија има завидни резерви на нафта
Објавено во: Балкан 14 Јануари, 2014
Албанија располага со околу 400 милиони тони резерви на нафта, а главна нафтена зона во земјата е Патос-Маринза со површина од 44 илјади хектари, соопшти албанската Национална агенција за природни ресурси. Патос-Маринза претставува најголем извор на нафта во Европа, со производен капацитет од 7,7 милиони барели нафта годишно.
Приходот од извозот на албанска нафта кон странските пазари на крајот од 2012 година достигна 56,7 милијарди леки (околу 403 милиони евра). Во последните осум години, извозот на нафта од Албанија пораснал за неверојатни 2.880 проценти, пред се како резултат на странските инвестиции во овој сектор. Во 2012 година извезени се еден милион тони албанска нафта, а веќе во првите 10 месеци од 2013-та извозот достигнал 1,6 милиони тони.