Албанија ноќва се стресе, земјотресот почуствуван во западна Македонија
Објавено во: Балкан 07 Февруари, 2015
Сеизмолошкиот завод на Црна Гора рано утрово регистрирал земјотрес од средна јачина со епицентар 30 километри северозападно од Пешкопеја во Албанија.
Интензитетот на земјотресот, кој се почуствувал и во Црна Гора, во епицентарот изнесувал 4,6 единици по скалата на Рихтер, што е еднакво со епицентралниот интензитет од шест степени по Меркалиевата стала на земјотреси.
Земјотресот кој се случил околу 3 часот ноќеска, е лоциран на длабочина од 13 километри, соопштено е од Сеизмолошкиот завод на Црна Гора.
Земјотресот е почуствуван и во западниот дел од Македонија, поточно во Дебар каде жителите видно исплашени ги напуштале своите домови. Засега нема инофрмации за причинети штети во епицентралното подрачје.