Албанската Влада им објави војна на крадците на струја
Објавено во: Балкан 16 Јануари, 2014 19:23
Кражбата на електрична енергија во Албанија урива рекорди. Според министерот за енергетика и индустрија Дамиан Ѓикнури, минатата година била украдена струја во вредност од околу 140 милиони евра.
Албанските власти најавуваат остра борба против оваа појава, која ја уништува домашната економија.
„Енергијата е регулиран продукт, таа е база на економскиот развој. Како што за човечкото тело е неопходна крвта, така и енергијата е за земјава“, изјави Ѓикнури. Тој побара поддршка од полицијата и обвинителството и се закани со заострување на казнените мерки за крадците на струја.
Ѓикнури најави и опсежна реформа на електроенергетскиот систем, која има за цел да ја подобри услугата кон граѓаните, но и да ги минимизира кражбите и загубите на електрична енергија.
Меѓу должниците за неплатена струја е и албанската Влада, но премиерот Еди Рама вети дека државните и јавните институции наскоро ќе ги подмират сите сметки.
Можеби ќе ве интересира
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
Во времето на Тито, за некој овие пари беа една плата: Никој не успеал да ја фалсификува „сивата гулабица“, а еве која е мистериозната жена од банкнотата
Голем пожар во Хрватска; На местото на настанот беа повеќе од 60 пожарникари, се слушаа експлозии
Вучиќ до Хрватите: Србија купи нови авиони „Рафал“, a Хрватска половни
Парламентот на Бугарија едногласно ја прифати оставката на владата
Протест на земјоделците во Солун, граничните премини Евзони и Ники засега остануваат отворени
Тешки метали се откриени во керамички шолји во соседството
