Алексис Ципрас капитулира пред кредиторите, ги усвои суровите реформи!

Добивај вести на Viber

Атина го претстави речиси истиот пакет, кој граѓаните го отфрлија на референдумот.

Грчкиот премиер Алексис Ципрас крена бело знаме и им предложи на кредиторите план за реформи во замена за пари, кој е многу суров од овој, отфрлен масовно од Грците на референдумот само пред неколку дена, пренесоа светските агенции.

Атина им ги испрати на кредиторите во четвртокот вечерта своите предлози во форма на 13 страници со „Приоритетни активности и обврски“.

Планот вклучува штедење и зголемување на ДДВ за некои сфери во вкупна вредност 13 милијарди евра за 2 години. Премиерот Ципрас се согласува на значителни попусти за пензиите и се откажува од важни принципи на кабинетот досега - зачувување на отстапките за островите и откажување од приватизација.

Против овие реформи Атина сака 53,5 милијарди евра до 2018 година, кои ќе дозволат сервисирање на надворешниот долг и одржувањето на нејзината економија.

Практично Грција се обврза да ги исполни речиси сите побарани мерки на меѓународните кредитори, предложени во крајот на јуни. Тогаш премиерот Ципрас ги отфрли и свика референдум на 5 јули.

Одлуката на владата во Атина е чудна кривина и се должи на фактот дека грчкиот премиер се соочува со тешкотии, откако европските лидери свикаа состанок во неделата, на која се разговарало или договарало со Грција за нова помош, или план за директен излез на Атина од еврозоната, коментираа меѓународни набљудувачи. Во документот на Атина не се споменува ништо за простување на огромниот долг на Грција.

За новиот план било разговарано во петокот од експерти на Европската комисија, Европската централна банка и Меѓународниот монетарен фонд, а во сабота еврогрупата ќе даде својата проценка на состанокот во Брисел.

Што вклучува планот:

Буџет

Владата треба да обезбеди 3,5% примарен буџетски суфицит за наредните три години

Даночни промени

- ДДВ за ресторани и угостителство отскокнување на 23%

- ДДВ за хотели станува 13%

- Зголемување на данок луксуз од 10 на 13%

- Веднаш воведување на данок на телевизиските реклами

- Отстранување на пониската стапка на ДДВ за островите. Таа ќе се задржи само за најоддалечените острови

- Корпоративниот данок ќе се зголеми до 28%, како што сакаше ММФ, а не 29%, како настојуваше владата.

Пензии

Државата ќе прекине со дополнителните плаќања за најсиромашните пензионери од декември 2019 година, една година порано од планираното

- Подигање на возраста за пензионирање до 67 години од 2022 година

Приватизација

Забрзување на приватизацијата, вклучувајќи ги регионалните аеродроми и пристаништа како и портата на Солун и пристаништето Пиреја крај Атина, што беше откажано досега.

Помалку пари за одбрана

Намалување на трошоците за одбрана со 300 милиони евра до крајот на 2016 година - 100 милиони евра. Во оваа е вклучено и 200 милиони евра за наредната година.

Финансиските експерти велат дека има позитивни сигнали дека може да биде постигнат договор со Атина. Пазарите реагираа позитивно денеска на веста за новиот грчки план, а курсот на еврото се стабилизира. Францускиот претседател Франсоа Оланд беше првиот кој ја даде својата оценка, нарекувајќи ги предлозите на Атина „сериозни и оправдани“.

„Треба да донесеме важна одлука, независно од начинот“, изјавил шефот на Еврогрупата Јерун Деиселблум. Можно е финансиските министри да ја донесат конечната одлука во сабота, и да не го чекаат самитот на лидерите од ЕУ во неделата. Според дипломатите од ЕУ, прашањето за реструктуирање на грчкиот долг сигурно ќе биде ставен на маса на средбата во сабота, објави „Гардијан“.

Алексис Ципрас побара итно гласање на пакетот во грчкиот парламент денеска. Гласањето беше закажано за подоцна во текот на ноќта. Пред тоа Ципрас се сретна со пратениците од владејачката партија СИРИЗА и ги повика да го поддржат пакетот. „Имаме мандат да замислиме подобар договор од ултиматумот кој ни го даде Еврогрупата. Сигурно немаме дозвола да ја извадиме Грција од еврозоната“, изјавил тој. Грчкиот парламент ќе го одобри предложениот од владата пакет, изјавил парламентарниот спикер на владејачката партија СИРИЗА, Никос Филис.

Шојбле кон САД: Менувајте ја Грција за Порторико

Министерот за финансии на Грција Волфганг Шојбле му предложил на американскиот колега Џек Лиу да ја сменат Грција за Порторико, пренесе агенцијата „Блумберг“. „Пред неколку дена му предложив на пријателот Џек Лиу да го прифатиме Порторико во Европската унија“, изјавил германскиот министер за финансии.

Порторико, слично како Грција, страда од финансиска криза. Долгот на асоцијација со САД на островската држава е 72 милијарди евра, додека грчкиот долг е оценет на 353 милијарди долари. Освен тоа Порторико е исто така под закана од банкрот. „Лиу помисли дека тоа е шега“, додал Шојбле.

Во средата Џек Лиу ја предупредил Европа дека ако Грција прогласи банкрот и излезе од еврозоната, тоа ќе биде сериозна геополитичка грешка.

Шојбле од своја страна не го крие скептицизмот за способноста на Грција да се задржи во еврозоната, но повторува дека намалување на грчкиот долг не може да има.

За разлика од Франција и Италија, кои ги поздравија грчките предлози, Берлин денеска објави само дека ќе сака мандат од парламентот да расправа за поднесените реформи од Атина , ако таа демонстрира сериозни намери да ги применува. Пратеник од партијата на Меркел пак посочил дека е тешко да се поверува на новите грчки предлози, доколку биле одбиени пред една недела.

Алтернативна валута „ТЕМ“ го менува еврото во Грција 

Грците во пристанишниот град Волос во областа Тесалија воведоа алтернативната валута „ТЕМ“, која им помага да купуваат и да ги набавуваат потребните продукти за време на кризата.

Системот постои веќе 5 години и е создаден од пензионерката Ангелики Јоаниу. Со неа локалните Грци купуваат речиси сè.

„Доаѓате во центарот со своите работи - работи кои не ви требаат веќе, или пак торта која сте ја направиле“, раскажуваат оние кои работат таму. „Кога ќе дојде некој и му се допаѓа нешто, го зема и плаќа со ТЕМ од неговата сметка во оваа на центарот“.

Некои од луѓето се заробени во системот, како донираат од своето време за да работат за други луѓе кои имаат потреба. Потоа овие часови се пресметуваат во алтернативни пари.

Основачите на мрежата сака да се прошири системот сега, за да им помогнат на многу луѓе, кои паднале во криза. Ако се оствари промената, луѓето во градот ќе можат да ги плаќаат преку алтернативната валута своите сметки за вода и струја.

Усвојувањето на валутите на соседните земји е универзално особено во туристичката индустрија. „Нема ништо лошо во тоа да прифаќаме други валути освен еврото“.

Нивниот курс е стабилен и врзан за еврото. Зошто да не правиме бизнис со другите валути? Законски е. Нема причина да не го правиме тоа“, изјави сопственик на супермаркет Атанасос Критсинис.