ALFA и MASERATI- големата надеж на Маркионе

Добивај вести на Viber

Серџо Маркионе, извршниот директор на FIAT Auto,  има големи надежи во Alfa Romeo и Maserati, за кои тврди треба да го вратат пред се имиџот на италијанскиот гигант, но и да донесат профит во 2015 и 2016.  Планот на шефот е да се зголеми неколку пати производство на двете премиум единици и по примерот на Audi, BMW и Mercedes да се справи со кризата, фокусирајќи се врз повеќе платежноспособните клиенти, пишува порталот за автомобили и моторцикли Автоплус. Сепак се поставува прашањето дали Маркиони премногу верува во своите планови? Минатата година Maserati произведе 6.000 автомобили, а до 2015 година планот е оваа бројка да достигне до 50.000 единици. Во голема мера растот ќе биде резултат од зголемувањето на гамата на модели, меѓу кои првиот е SUV изданието на брендот - Levante. До 2016-та задачата пред Alfa е трипати зголемување на продажбата.  Минатата година компанијата забележа продажба од  101.000 единици. -Ќе се фокусираме на Alfa Romeo и Maserati во топ сегментите за кои во моментов сметаме дека перманентно расте интересот, истакна Маркионе. За сето ова навистина треба многу средства, поради што аналитичарите се скептични, а Италијанците во моментов се „кратки“. Комбинациите за преземање на целосна контрола на Chrysler Group од FIAT, сметаат тие дека засега се невозможни, бидејќи италијанскиот автомобилски концерн не располага со достапни средства да го купи преостанатиот дел од сопственоста на Chrysler, а  истовремено да инвестира милијарди во преродбата на Alfa Romeo и Maserati. Иако фабриките работат под својот капацитет, компанијата  не предвидува  затворање. заедничката продукција на фабриките во Казино, Мелфи, Мирафиори и Помилијано, опадна за 18% само во однос на 2011, или 394.620 произведени возила минатата година. Маркиони вели дека тајната на успехот е што според неговите планови, до 2016 капацитетот на сите европски фабрики, вклучувајќи ги оние во Полска, Србија и Турција, треба да достигне до два милиони возила. Сепак FIAT минатата година произведе 1,25 милиони автомобили. Половина од растот ќе биде благодарение на Alfa Romeo, Maserati и Jeep. До 2016 година се очкува да пристигнат девет нови модели Alfa Romeo, првиот од нив 4С, веќе претставен во Женева. До 2015 година, сепак палетата ќе остане со тековните MiTo и Giulietta. Maserati ќе добие повеќе од една милијарда евра инвестиции за зголемување на палетата на 6 од 3 модели во моментов. Првиот од производната офанзива е новиот Quattroporte, кој ќе биде проследен со седан со четири врати - Ghibli. Неговата цена ќе биде околу 70.000 евра. Кросоверот Levante ќе се произведува во фабриката на FIAT Мирафиори, а не во Модена. Платформата е од Jeep Grand Cherokee, а производството започнува во 2014. Превземено од Автоплус